بہاولپور ( بی بی سی )نواز شریف بہاول پور میں مراعاتی نما ئندوں کی دعوت پر’’ مجھے کیوں نکالا‘‘ کی نوحہ پڑھنے کیلئے آئے تھے۔سینیٹ الیکشن میں ن لیگ سے فاٹا سمیت 03صو بوں نے نجات حاصل کرلی اب بہاول پور کی باری ہے۔ان خیالات کا اظہار متحدہ تحریک بحالی صوبہ بہاول پور کے مرکزی رہنما قاری مونس بلوچ نے شکرانی ہاؤس پر سا بق ممبر ڈسٹرکٹ کونسل سردار محمدافضل خاں شکرانی کی سر براہی میں شکرانی ، بختیاری، گرڑا سمیت بر ادری کے دیگر افراد سے گفتگو کرتے ہوئے کیا انہوں نے کہا کہ ن لیگ کے قا ئد و سا بق وزیراعظم میاں نو از شریف نے بہاول پور میں’’ مجھے کیوں نکالا‘‘ کی پرجوش اند از میں نوحہ خوانی کی لیکن کئے گئے وعدے ، نعرے، منشور اور اسمبلی کی صوبہ قرارداد کو یکسر نظر اند از کر دیا ہے۔ اب حکمران جما عت کا یوم انتخاب پر عام حساب ہو گا۔ قاری مونس بلوچ نے حکمران جما عت کے قائد میاں نو از شریف کو یاد دلایا کہ وہ صوبہ بحال کرکے وعدے ، نعرے پر عملی جامعہ پہنائیں تاکہ بہاول پور کے عوام بیروز گاری، مہنگائی اور معاشی دہشت گردی سے نجات حاصل کر سکیں۔

This Post Has Been Viewed 10 Times